Azərbaycanın Rusiyadakı səfiri Polad Bülbüloğlu Novosibirskdə keçiriləcək Transsibir art-festivalında mahnı ifa edəcək. Orkestrin dirijoru isə səfirin oğlu Murtuza olacaq.

APA-nın verdiyi xəbərə görə, bu barədə festivalın bədii rəhbəri Vadim Repin bildirib.

"Bizim uşaqlar üçün olan ənənəvi proqramımızda Polaq Bülbüloğlunun 13 yaşlı oğlu Murtuza iştirak edəcək. O, pis dirijorluq etmir. Bir kompoziyanın dirijorluğunu onun öhdəsinə vermişik. Oğluna dəstək olmaq istəyən Polad Bülbüloğlu da festivala gələcək. O, mahnı ifa edəcəyinə söz verib", - deyə V. Repin qeyd edib.

III Transsibir art-festivalı gələn il aprelin 9-24-də keçiriləcək.