Artıq bir aydır ki, sənət fəaliyyətimi dayandırmışam.

Axar.az xəbər verir ki, bu sözləri tanınmış meyxanaçı Namiq Qaraçuxurlu yaradıcılıq fəaliyyəti ilə bağlı rəsmi İnstaqram səhifəsində yazıb. Hazırda Çində olan müğənni tamaşaçılarını onu başa düşməyə çağırıb:

"Həm məsafə uzaq olduğuna, həm də uzun vaxtdır istirahət etmədiyimə görə bu səfərdə çox qaldım. Buralar çox maraqlıdır. Ona görə də heç bir bayram çəkilişinə qatıla bilmədim. Ümumiyyətlə, artıq bir aydır ki, sənət fəaliyyətimi dayandırmışam. Buna görə də tamaşaçılarımdan, xüsusən də pərəstişkarlarımdan məni başa düşmələrini, üzrlü saymalarını xahiş edirəm. İnşallah, 2016-cı ildə yeni işlərimlə, yeni nəfəslə xidmətinizdə olacağam. Həm də "Şəkərim" adlı yeni mahnım var, amma Yeni il gecəsi bəzi məkanlarda iştirakımla bağlı yayılan xəbərlər doğrudur".