Xalq artisti Aygün Kazımova bu ay ikinci olan "Ağlım başıma gəldi" adlı mahnısını sevənlərinin ixtiyarına verib.

Axar.az-a açıqlama verən müğənni atdığı addımları, verdiyi qərarları götür-qoy edən adam olduğunu qeyd edərək mahnının peşmanlıqdan bəhs etdiyini bildirib:

"Atdığım addımları, verdiyim qərarları götür-qoy edirəm. Ümumiyyətlə, yüz ölçüb, bir biçən insanam. Lakin istisnalar hər insanın həyatında olur. Bəzən elə addım atıram ki, sonradan peşman oluram. Leylinin yazdığı bu sözlər də məhz bu barədədir. Mahnının sözlərini dinləyən çox insan öz həyatını yeni mahnımda görə biləcək. Çünki həyatda peşman olmayan insan yoxdur".

Mahnının sözləri Leyli Ərola, musiqisi və aranjimanı isə Hakan Ərola aiddir.

Qeyd edək ki, bu, xalq artistinin bu ay təqdim etdiyi sayca ikinci mahnıdır. Müğənni ötən həftə "Gecə yarı" adlı mahnısını təqdim edib.