İngilis Film və Televiziya Sənətləri Akademiyası (BAFTA) mükafatlarının bu ilki namizədləri bəlli olub.

Axar.az xəbər verir ki, "Böyük açıq" (The big short), "Casuslar körpüsü" (Bridge of spies), "Diriliş" (The revenant), "Diqqət mərkəzə: Kral" ('Spotlight' And 'Carol') filmləri "ən yaxşı film" nominasiya uğrunda yarışacaqlar.

Baş rolunda Tom Henksin oynadığı "Casuslar körpüsü" iki nominasiya üzrə yarışır. Rejissorluğunu Stiven Spilberqin həyata keçirdiyi film "soyuq müharibə" dövründə SSRİ tərəfindən əsir götürülən amerikalı bir pilotun Amerika Mərkəzi Kəşfiyyat İdarəsi tərəfindən ələ keçirilən rus casusu ilə dəyişdirilməsindən bəhs edir. Filmdə T.Henks tərəflər arasında vasitəçi olan vəkili oynayır.

Məşhur amerikalı aktyor Leonardo Di Kaprionun oynadığı "Diriliş" filmi isə 8 nominasiya üzrə yarışır. Di Kaprio "ən yaxşı aktyor" nominasiyası üzrə namizəd göstərilib. Film ov vaxtı yaralanan bir ovçunun çətin şəraitə baxmayaraq sağ qalmaq uğrunda həyat mübarizəsi haqqındadır.

Xatırladaq ki, BAFTA mükafatları fevralın 14-də Londonda təşkil ediləcək mükafatlandırma mərasimi ilə sahiblərinə təqdim ediləcək.