Serbiyada hökumət əleyhdarları və tərəfdarları arasında qarşıdurmalar baş verib.

Axar.az xəbər verir ki, bu barədə AP məlumat yayıb.

Qarşıdurma zamanı 16-sı polis olmaqla, onlarla insan yaralanıb.

Atışmalar ilk olaraq paytaxt Belqradın şimal-qərbində, Vrbasda başlayıb. Oxşar hadisələr ölkənin digər bölgələrində keçirilən etiraz aksiyalarında da qeydə alınıb.

Qeyd edək ki, Serbiyada tələbələrin başçılıq etdiyi etirazlar ilk dəfə noyabr ayında Novi Sad şəhərində qatar stansiyasının örtüyünün uçması, 16 nəfərin ölümü və dövlət infrastruktur layihələrində korrupsiya ittihamlarının yaranmasından sonra başlayıb.