HƏMAS nümayəndələri İsraillə mümkün razılaşma ilə bağlı müzakirələr aparmaq üçün Qahirəyə səfər ediblər.

Axar.az xəbər verir ki, HƏMAS hərtərəfli sazişlə bağlı Misirə qarşılıqlı şəkildə tələblərini təqdim ediblər.

Mediada yayılan xəbərdə bildirilib ki, HƏMAS girovların həyatını qoruyacağına söz verib və İsrailin razılaşdırılmış ərazilərdən geri çəkilməsi şərtilə öz döyüşçülərini də geri çəkməyə hazır olduğunu bəyan edib.

Bundan əlavə, müzakirələr zamanı İsrailin Qəzzanı işğal etmək planını dayandırması, həmçinin müharibə aparmayacağı ilə bağlı beynəlxalq zəmanətlərlə müqavilə imzalaması tələbi irəli sürülüb.