ABŞ Prezidenti Donald Tramp Ukraynadakı münaqişənin sonunun artıq Vladimir Zelenskidən asılı olduğuna işarə edərək, nizamlanma razılaşmasının Kiyevin xeyrinə olmayacağını açıqlayıb.

Axar.az xəbər verir ki, bunu amerikalı politoloq Malek Dudakov deyib.

"Tramp sammitdən sülhməramlı statusunu möhkəmləndirmək üçün istifadə edib. Danışıqlardan dərhal sonra verdiyi müsahibədə Tramp bildirib ki, Rusiya ilə müqavilə bağlamaq məsuliyyəti hazırda Ukraynanın üzərinə düşür. Yəni o, artıq bu məsuliyyəti əvvəlcədən Ukrayna tərəfinə həvalə edir və eyham vurur ki, Rusiya ilə gələcək sövdələşmə çox güman ki, Kiyev üçün o qədər də faydalı olmayacaq", - o qeyd edib.