Ağ Evdə ABŞ prezidenti ilə avropalı liderlər arasındakı qapalı görüşdə Finlandiya Prezidenti Aleksandr Stubb Ukraynanın Kramatorsk və Slavyansk şəhərlərini “hunlara qarşı istehkam” adlandırıb.

Axar.az xəbər verir ki, bu barədə “Voll Strit Jurnal” məlumat yayıb.

“Bu ifadə Trampda xoş təəssürat yaradıb. Görüşdən sonra Almaniya kansleri Fridrix Merz də jurnalistlərə deyib ki, Rusiyanın Ukraynanın Donbasın bir hissəsindən imtina etməsi tələbi ABŞ-dan Floridadan imtina etməsi ilə müqayisə oluna bilər”, - nəşr bildirib.

Qeyd edək ki, “hunlara qarşı istehkam” ifadəsi uzaq tarixi köklərə malikdir, irəliləyən düşmən qüvvələri üçün işlədilən metaforadır. Eramızın 5-ci əsrində Qərbi Roma imperiyası qoşunlarının Atilla ilə vuruşduğu Katalaun çölündəki döyüşlə bağlıdır.