ABŞ-ın Rusiyadan neft aldığı üçün Hindistana tətbiq etdiyi gömrük vergiləri haqsız və mənasızdır.

Axar.az xəbər verir ki, bunu Hindistanın xarici işlər naziri Subrahmanyam Cayşankar deyib.

Nazir bildirib ki, Avropa ölkələrinin Rusiyadan ticarəti Hindistanla müqayisədə daha böyükdür və Qərb bu mövzuda özünü ziddiyyətli aparır:

“Bizə deyirlər ki, Rusya-Ukrayna müharibəsini maliyyələşdiririk. Amma Avropanın Rusiyaya ticarəti Hindistan-Rusiya ticarətindən çoxdur. Enerji arqumentiniz varsa, Avropa daha çox enerji alır”.

Cayşankar ABŞ-ın Hindistanı tənqid etməsini də gülməli adlandırıb:

“Neft almaqla bağlı problem varsa, sadəcə almayın. Kimsə sizi məcbur etmir. Avropa alır, ABŞ alır. Sevmirsinizsə, almayın”.

Qeyd edək ki, ABŞ Prezidenti Donald Tramp 6 avqust tarixində Hindistanın Rusiyadan neft almasını dayandırmaması səbəbindən ölkəyə əlavə 25% gümrük vergisi tətbiq olunmasını nəzərdə tutan qərar imzalayıb.