Hazırda Pokrovsk istiqamətində toplanan rusların sayı müharibədən əvvəl şəhərdə yaşayanların sayından iki dəfə çoxdur.

Axar.az xəbər verir ki, bunu Ukraynanın “Xortitsa” əməliyyat-strateji qruplaşmasının mayoru Viktor Trequbov deyib.

“Pokrovsk istiqamətində 110 min rus hərbçisi fəaliyyət göstərir. Müharibəyə qədər bu şəhərdə 60 min insan yaşayırdı. Yəni rus ordusu hücuma hazırlaşdığı şəhərin əhalisindən faktiki olaraq iki dəfə çoxdur. Elə təəssürat yaranır ki, onlar orta statistik Avropa ölkəsini ələ keçirmək üçün bir ordu yığıblar”, – deyə o bildirib.

Trequbovun sözlərinə görə, rus ordusunun təzyiqi Liman istiqamətində də güclənib və döyüşlərin intensivliyi üç dəfə artıb.