Saxta xəbərlər hazırlayan ABC və NBC televiziya kanallarının yayım lisenziyaları ləğv edilməlidir.

Axar.az xəbər verir ki, bunu ABŞ Prezidenti Donald Tramp deyib.

"Çox yüksək bir populyarlığa sahib olmağıma baxmayaraq, tarixdəki ən qərəzli iki kanal olan ABC və NBC mənim haqqımda xəbərlərin 97%-ni mənfi şəkildə verir. Bu kanallar ABŞ-da "Demokratlar Partiyasının bir qolu" kimi davrandığına görə yayım lisenziyaları Federal Əlaqə Komissiyası (FCC) tərəfindən ləğv edilməlidir. Mən bunun qəti şəkildə tərəfdarıyam. Çünki bu kanallar çox qərəzlidir və yalan danışırlar ki, bu da demokratiyamız üçün həqiqi bir təhlükə yaradır.

Bundan əlavə, həmin kanallar yayım şəbəkələrindən istədikləri vaxt və istədikləri yerdə istifadə etmək imtiyazına sahib olduqları üçün də böyük bədəl ödəməlidirlər", - Tramp qeyd edib.