Çin səfəri çərçivəsində keçirilən rəsmi qarşılanma mərasimində İran Prezidenti Məsud Pezeşkianın Çin Xalq Respublikasının Sədri Si Szinpinin həyat yoldaşı Pinq Liyuanla görüşü zamanı onun əlıni sıxmayıb.

Axar.az xəbər verir ki,Pezeşkianın bu hərəkəti sosial mediada müzakirələrə səbəb olub.

Paylaşılan videoda Pezeşkianın protokol çərçivəsində qadınlarla fiziki təmasdan, o cümlədən əl sıxmaqdan imtina etdiyi açıq görünür.

Bu davranış İran İslam Respublikasında 1979-cu il inqilabından sonra formalaşmış rəsmi dini və ideoloji baxışlarla izah olunur.

Bildirilib ki, bir çox müasir diplomatik dairələrdə əl sıxmaq hörmət, razılıq və xoş niyyətin ifadəsi hesab edilir. Bu səbəbdən, belə hadisələr zaman-zaman anlaşılmazlıqlara və mədəni ziddiyyətlərin qabardılmasına gətirib çıxarır.