Avropa Birliyinin (AB) Gürcüstanın vizasız rejimini dayandırması üçün heç bir hüquqi əsası yoxdur.

Axar.az xəbər verir ki, bunu Gürcüstanın XİN rəhbəri Maka Boçorişvili deyib.

"Bu gün bunun üçün heç bir hüquqi əsas yoxdur (vizasız rejimin dayandırılması). Gürcüstan hakimiyyəti ölkə vətəndaşlarının bu imtiyazdan istifadə etməsi üçün həmişə vicdanla hər şeyi edib və edir. Bu gün Gürcüstan əhalisinin Avropa Birliyi üzvləri, Şengen zonası ölkələri ilə vizasız gediş-gəlişi tamamilə hakimiyyətin xidmətidir", - Boçorişvili bildirib.

Qeyd edək ki, Avropa Komissiyasının nümayəndəsi Anita Hipper bildirmişdi ki, Avropa Komissiyası Gürcüstana qarşı sanksiyaların tətbiqi, eləcə də respublika ilə vizasız rejimin ləğvi imkanlarını araşdırır.