Ciddi bir prezident belə tələbləri sosial şəbəkələrdə paylaşmaz, komandasının köməyi ilə telefonla edərdi.

Axar.az xəbər verir ki, bunu amerikalı jurnalist Tomas Fridman Prezident Donald Trampın bütün Avropa ölkələrinin tamamilə Rusiyadan neft almağı dayandırması, NATO dövlətlərinin isə Çinə qarşı 50–100%-lik rüsum tətbiq etməsi, bundan sonra isə onun Rusiyaya ciddi iqtisadi sanksiyalar qoyacağı barədə tələbini şərh edərkən bildirib.

“Mən Trampın davranışlarına daha çox konspirativ izah verməkdən həmişə qaçmışam. ABŞ prezidentinin hansısa Putinin agenti olduğuna inanmıram (baxmayaraq ki, o, televiziyada bu rolu necə oynamağı yaxşı bilir). Hesab edirəm ki, Tramp II Dünya müharibəsindən sonra bütün Amerika prezidentlərindən fərqlənir və bu, yaxşı mənada deyil”, – Fridman qeyd edib.