2025-ci ildə Rusiyaya məxsus hərbi təyyarələr Norveçin hava məkanını üç dəfə pozub.

Axar.az xəbər verir ki, bu barədə Norveç hökuməti məlumat yayıb.

Məlumatda bildirilir ki, hadisələr 1-4 dəqiqə davam edib və bu, son 10 ildən bəri qeydə alınan ilk belə insidentlərdir.

İki insident 25 aprel və 18 avqust tarixlərində Arktikadakı Barens dənizi üzərində, üçüncü hadisə isə 23 iyulda Norveçin Rusiya ilə sərhəddə yerləşən Finnmark bölgəsində baş verib.

“Bunun qəsdən edildiyini, yoxsa naviqasiya xətası nəticəsində baş verdiyini müəyyən edə bilmərik. Ancaq səbəbindən asılı olmayaraq, bu, qəbuledilməzdir və biz bunu Rusiya tərəfinə açıq şəkildə bildirmişik”, - Norveç Baş naziri Yonas Qar Störe deyib.