Rusiyanın Ukraynaya kütləvi hücumu zamanı Polşa öz hava məkanının təhlükəsizliyini təmin etmək məqsədilə hərbi təyyarələrini havaya qaldırıb.

Axar.az xəbər verir ki, bu barədə Polşa Silahlı Qüvvələrinin Operativ Komandanlığı özünün X sosial şəbəkəsində yazıb:

“Növbətçi qırıcı cütlüklər həyəcan siqnalı ilə havaya qaldırılıb, yerüstü hava hücumundan müdafiə və radiolokasiya sistemləri yüksək döyüş hazırlığı vəziyyətinə gətirilib”.

Hərbçilərin açıqlamasında qeyd olunur ki, bu tədbirlər qabaqlayıcı xarakter daşıyır və hava məkanının təhlükəsizliyini, xüsusilə təhdidə yaxın bölgələrdə yaşayan vətəndaşların müdafiəsini təmin etməyə yönəlib.