Türkiyə Prezidenti Rəcəb Tayyib Ərdoğan və Rusiya Prezidenti Vladimir Putin arasında telefon danışığı baş tutub.

Axar.az xəbər verir ki, bu barədə Türkiyə Prezident Administrasiyasının İctimaiyyətlə Əlaqələr İdarəsi məlumat yayıb.

Bildirilib ki, söhbət zamanı ikitərəfli əlaqələr, regional və qlobal mövzular müzakirə olunub.

Ərdoğan Türkiyənin Qəzzada atəşkəsin təmin edilməsi və humanitar yardımların bölgəyə çatdırılması üçün səy göstərdiyini söyləyib.

Həmçinin Türkiyə lideri Ukrayna böhranının ədalətli və davamlı sülhlə sona çatması üçün diplomatik təşəbbüslərin çevikliyinin vacibliyini diqqətə çatdırıb.