Rusiya Moskvadan birbaşa Norveç, Danimarka və Almaniya kimi NATO ölkələrinin hava məkanına dron göndərə bilməz. Bu səbəbdən üçüncü ölkələrin əraziləri və ya yaxın bölgələr Rusiya üçün tranzit nöqtəsinə çevrilib.

Bu sözləri Axar.az-a açıqlamasında hərbi ekspert Üzeyir Cəfərov rus dronlarının Avropa şəhərlərində peyda olmasına aydınlıq gətirərkən deyib.

“Rusiya bəzi ölkələrin ərazisindən NATO ölkələrinin hava məkanında dron uçurtmaq üçün istifadə edir. Bu məqsədlə bəzən gəmilərdən də istifadə olunur. Bəzi ölkələrin bu məsələdə Rusiyaya bilavasitə dəstək verdiyi istisna deyil”, - ekspert bildirib.

O əlavə edib ki, Rusiya həmin dronların mənşəyini gizlətməyə və istehsal izlərini silməyə çalışır:

“Bu prosesdə Çin, İran və Şimali Koreya kimi ölkələr Rusiyaya dəstək verir”.

Qeyd edək ki, son günlər Rusiyaya məxsus PUA-lar Avropa şəhərlərində xüsusilə hava limanlarının fəaliyyətini pozur.