Ukraynaya dəstəyin davam etdirilməsi və artırılması vacibdir, çünki o, Rusiyaya qarşı müharibədə təkbaşına qalib gələ bilməz.

Axar.az xəbər verir ki, bunu AB-nin xarici işlər və təhlükəsizlik siyasəti üzrə ali nümayəndəsi Kaya Kallas deyib.

Kallas bildirib ki, Ukraynanın Rusiyanı müharibədə məğlub edə biləcəyinə inanır:

“Ukraynalıların buna iradəsi var. Ukraynanı dəstəkləməyə davam etsək, o, daha çox ərazini azad edə və Rusiyanı daha geri çəkə bilər. Amma təbii ki, Kiyev bunu təkbaşına edə bilməz. Buna görə də dəstəyimizi artırmaqda davam etməyimiz çox vacibdir”.

Onun fikrincə, Ukrayna hərbi baxımdan nə qədər güclüdürsə, danışıqlar masası arxasında bir o qədər güclü olacaq.