ABŞ Prezidenti Donald Tramp gələn həftə Misirə səfəri zamanı Qəzza zolağında münaqişənin həlli ilə bağlı bir sıra ölkələrin liderləri ilə görüş keçirməyi planlaşdırır.

Axar.az xəbər verir ki, “Axios” mənbələrə istinadən məlumat yayıb.

“Prezident Tramp gələn həftə Misirə səfəri zamanı Qəzza ilə bağlı dünya liderləri ilə zirvə toplantısı keçirməyi planlaşdırır. Sammitdə Almaniya, Fransa, Böyük Britaniya, İtaliya, Qətər, BƏƏ, İordaniya, Türkiyə, Səudiyyə Ərəbistanı, Pakistan və İndoneziyadan liderlər və ya xarici işlər nazirlərinin iştirakı gözlənilir", - məlumatda qeyd olunub.

Zirvə görüşünün oktyabrın 13 və ya 14-də Şarm əş-Şeyxdə baş tuta biləcəyi bildirilib.