Rusiya Ukraynaya qarşı müharibəsini ancaq Çinin dəstəyi sayəsində davam etdirə bilər. Pekin isə Moskvadan siyasi təsirini artırmaq üçün istifadə edir.

Axar.az xəbər verir ki, bunu Ukrayna Prezident Administrasiyasının rəhbərinin müşaviri Mixayl Podolyak bildirib.

O qeyd edib ki, Çin Rusiyaya dəstək verir, Rusiyanın özü isə əsas bazarları, ticarət və maliyyə qaydalarını və beynəlxalq hüququ pozur:

"Bu, təəssüf ki, faciəli nəticələrə gətirib çıxaracaq, dünya sabitliyi pozulacaq. Artıq xaotik vəziyyətdir, sabitlik pozulacaq və Rusiya buna böyük töhfə verməkdə davam edir. Rusiya isə bunu yalnız Çinin resursları hesabına edir".

Onun fikrincə, Çinə qarşı yaxşı düşünülmüş siyasət lazımdır:

“Əgər Pekin eskalasiyanı dayandırmaq istəmirsə, o zaman Pekinə qarşı sərt, son dərəcə məhdudlaşdırıcı sanksiyalar tətbiq edilməlidir”.