Günün əsas xəbəri Luvr oğurluğudur. Dünyaca məşhur olan bu muzeyi kinolarda olduğu kimi asanlıqla qarət ediblər.

Axar.az xəbər verir ki, bunu rusiyalı politoloq Sergey Markov deyib.

“Hadisə necə baş verib?

- Oğrular skuterlə təmir aparılan əraziyə gəliblər.

- Sonra tikinti nərdivanı ilə yuxarı qalxıblar.

- Pəncərəni açmaq üçün zəncirli mişardan istifadə ediblər.

- Ardınca həmin alətlə vitrinləri açıblar.

- Ətrafdakı ziyarətçilər isə tamamilə sakit olub, çünki quldurlar sarı jilet geyinmişdilər və işçiyə oxşayırdılar.

- Sonra onlar Napoleon və imperatriçanın daş-qaşını yığıblar.

- Daha sonra skuterlə geri qayıdıblar.

İndi Fransada hər kəs utancdan kədərlənir və suallar verir:

1. Niyə polis bu qiymətsiz əşyaları qorumur?

2. Hökumət niyə buna yol verdi?

3. Makron bu biabırçılığın baş verməsinə yol verdi.

4. Bəlkə Makronun getmə vaxtıdır?

5. Bu yeni Makron hökuməti də biabırçıdır?

6. Bəlkə Makron Ukrayna, Rusiya və Qəzzaya daha az, Fransaya isə daha çox diqqət yetirməlidir?

Utancın həcmi ilə böyüyən bu suallar Luvr oğurluğunu siyasi əhəmiyyətli hadisəyə çevirir", - o bildirib.