"İzvestiya" qəzeti "Nyus Media" holdinqinin əlindən alınır.

Axar.az xəbər verir ki, qəzet bundan sonra yenidən tam şəkildə Milli Media Qrupuna daxil olacaq. "İzvestiya" bundan öncə Milli Media Qrupunun tərkibində olsa da, onun nəşr edilməsini və satışını "Nyus Media" həyata keçirib.

Qeyd edək ki, "Nyus Media" holdinqi erməni əsilli iş adamı Aram Qabrelyana məxsusdur. Qabrelyan həmçinin "Layfnyus" telekanalının sahibidir. Onun Kremllə xüsusi əlaqələri var.

Rusiya mətbuatının iddiasına görə, məhz Qabrelyanı Rusiya Prezident Administrasiyanın sədr müavini Vyaçeslav Volodin himayə edir. Məhz buna görə ona məxsus mətbuat orqanlarında tez-tez Kremlin siyasətini müdafiə edən sensasion materiallar dərc edilir.