Ukrayna əsl sülhə can atır və sülh prosesini pozmağa çalışmayacaq.

Axar.az xəbər verir ki, bunu Ukrayna Prezidenti Vladimir Zelenski Teleqram kanalında deyib.

Zelesnki bildirib ki, ABŞ-ın nümayəndələri ilə görüşdə iştirak edib:

“ABŞ öz təkliflərini - müharibəyə son qoymaq üçün planın bəndlərini təqdim etdi. Müharibənin ilk günlərindən biz çox sadə bir mövqe tutmuşuq: Ukraynanın sülhə ehtiyacı var. Layiqli bir sülh müstəqilliyimizə, suverenliyimizə və Ukrayna xalqının ləyaqətinə hörmət edən şərtlər tələb edir. Və biz məhz bu şərtləri təmin etməliyik”.

O, fundamental mövqeləri müəyyən etdiyinə və komandaların bu təkliflər üzərində işləməyə davam edəcəyinə dair söz verib:

“Kəskin bəyanatlar verməyəcəyik, Ukrayna, ABŞ, Avropa və dünyadakı dostlarımız, eləcə də tərəfdaşlarımızla aydın, dürüst işə sadiqik”.

Ukrayan lideri avropalı tərəfdaşlarına dəstəyə görə təşəkkür edib və eyni zamanda, vurğulayıb ki, Rusiya bütün il ərzində yalnız bir şey etməyə çalışır: sanksiyaları təxirə salmaq və müharibə üçün daha çox vaxt qazanmaq:

“ABŞ Rusiyanın müharibəyə son qoymaq öhdəliyinin ciddiləşməsini təmin etmək gücünə malikdir. Gələcəkdə də buna 100% nail olmağa çalışacağam, bütün vaxtım indi buna həsr olunub. Ukraynanın sülhə ehtiyacı var və Kiyev əlindən gələni edəcək ki, dünyada heç kim diplomatiyanı pozduğumuzu deməsin”.