Rusiya ilə Avropa arasında hərbi qarşıdurma baş verərsə, səngər müharibəsi variantı çətin ki, olsun.

Axar.az xəbər verir ki, bunu rusiyalı politoloq və jurnalist Fyodor Lukyanov deyib.

"Düşünürəm ki, bizim Avropa ilə səngər müharibəmiz olmayacaq", - o bildirib.

Politoloqun fikrincə, Kalininqradın ticarət blokadası olacağı təqdirdə hərbi qarşıdurma mümkündür və bu halda Rusiya bundan sonra tərəddüd etməyəcək və sadəcə olaraq birbaşa hərbi yolla cavab verəcək.

Lukyanov ABŞ-ın Avropadakı NATO üzvləri ilə Rusiya arasında qarşıdurmaya girib-girməyəcəyini də sual altına alıb və əlavə edib ki, hazırkı Prezident Donald Trampın dövründə heç kim heç nəyə əmin deyil.