Türkiyənin Milli İstehbarat Təşkilatının (MİT) direktoru İbrahim Kalın Qahirədə Qətərin Baş naziri və xarici işlər naziri Şeyx Məhəmməd bin Əbdürrəhman bin Casim əs-Sani və Misirin Baş Kəşfiyyat İdarəsinin direktoru Həsən Rəşad ilə görüşüb.

Axar.az xəbər verir ki, bu barədə Türkiyə mətbuatı məlumat yayıb.

Məlumata görə, görüş zamanı Qəzzada atəşkəs razılaşmasının ikinci mərhələsinə keçid və ABŞ-la əməkdaşlıq çərçivəsində birgə səylərin artması ilə bağlı müzakirələr aparılıb.

Bundan əlavə, görüş çərçivəsində Mülki Hərbi Koordinasiya Mərkəzi (MHMM) ilə əməkdaşlığın gücləndirilməsi barədə razılığa gəlinib.