İsrail Baş naziri Benyamin Netanyahu paytaxt Dehlidə təhlükəsizlik vəziyyəti ilə əlaqədar dekabr ayına planlaşdırılan Hindistana rəsmi səfərini təxirə salıb.

Axar.az xəbər verir ki, bu barədə ANI məlumat yayıb.

İsrail baş nazirinin qərarına noyabrın 10-da Dehlidə baş verən terror aktı səbəb olub.

İsrail və Hindistan Xarici İşlər nazirlikləri Benyamin Netanyahunun səfərinin yeni tarixini razılaşdırır.

Noyabrın 10-da Hindistanın paytaxtında bomba yerləşdirilmiş avtomobil partladılıb. Hadisədə 13 nəfər həlak olub, 20-dən çox insan yaralanıb. Hindistan hökuməti avtomobilin partladılmasını terror aktı kimi qiymətləndirib.