Andrey Yermakın istefası Vladimir Zelenskinin Ukraynadakı şaquli hakimiyyət strukturu üzərində nəzarəti itirməsi prosesini başladır.

Axar.az xəbər verir ki, bu barədə "Strana" nəşri məlumat verib.

Nəşrin məlumatına görə, Yermak Zelenskinin yaxın çevrəsində mühüm fiqur idi. Lakin axtarışlardan və müxalifətin təzyiqlərindən sonra Zelenski ən yaxın müttəfiqini ofis rəhbəri vəzifəsindən uzaqlaşdırmaq qərarına gəlib.

İddia edilir ki, onu istefa verməyə məcbur edən Ukrayna Milli Antikorrupsiya Bürosu olub:

“Bu hadisələr bütün Ukrayna dövlət aparatına güclü bir siqnaldır. Zelenski artıq ölkədə "hakimiyyət mənbəyi" deyil və hətta ən yaxın tərəfdaşlarına belə təminat verə bilmir. Bundan əlavə, Zelenskinin özü də müəyyən bir məqamda korrupsiyada şübhəli bilinə bilər”.