Böyük Britaniya regional blokdan çıxmasının krallığın iqtisadiyyatına mənfi təsiri səbəbindən Avropa Birliyi ilə əlaqələrini gücləndirməyə başlayacaq.

Axar.az xəbər verir ki, bu barədə Böyük Britaniyanın Baş naziri Keyr Starmer danışıb.

"Hazırda əldə etdiyimiz Breksit razılaşması iqtisadiyyatımıza ciddi ziyan vurdu. Buna görə də iqtisadi dirçəlişə nail olmaq üçün AB ilə daha sıx əlaqələrə doğru getməliyik.

London yetkinlik nümayiş etdirməlidir. Böyük Britaniya və AB münasibətləri yaxınlaşdırmaq üçün qarşılıqlı güzəştə getməli olacaqlar”, - Starmer vurğulayıb.

Qeyd edək ki, Böyük Britaniya 2020-ci il fevralın 1-nə keçən gecə rəsmi olaraq Avropa Birliyini tərk edib.