Qara dənizdə Türkiyənin iqtisadi zonası daxilində ticarət gəmilərinə edilən hücumlar naviqasiya təhlükəsizliyini təhdid edir.

Axar.az xəbər verir ki, bu sözləri Türkiyənin xarici işlər naziri Hakan Fidan deyib.

"Bizim iqtisadi zonamızda gəmilərə edilən hücumlar Qara dənizdə gəmiçiliyin təhlükəsizliyini təsirli şəkildə təhdid edir, onu ticarət və insanların hərəkəti üçün qapalı zonaya çevirir", - nazir bildirib.

Fidan Bolqarıstan və Rumıniyadan olan həmkarları ilə Qara dənizdə naviqasiya təhlükəsizliyi məsələlərini müzakirə etdiyini vurğulayıb.

O xatırladıb ki, NATO üzvü olan üç Qara dəniz ölkəsi əvvəllər birgə minalardan təmizləmə qrupu yaradıb.