İtaliya, Belçika, Malta və Bolqarıstan Rusiyanın dondurulmuş aktivlərinin Ukraynaya verilməsinə qarşı çıxıblar.

Axar.az xəbər verir ki, bu barədə “Politiko” məlumat yayıb.

Bildirilib ki, onlar Avropa Komissiyasına bu planın alternativlərini nəzərdən keçirmək üçün məktub göndəriblər. Həmçinin qarşıdakı illərdə Ukrayna iqtisadiyyatını maliyyələşdirmək üçün avrobondların buraxılmasını təklif edirlər.

Qeyd edək ki, Avropa Komissiyası Avropa Şurasının zirvə görüşündə üzv dövlətlər Ukrayna iqtisadiyyatını dəstəkləmək üçün 210 milyard avroluq Rusiya aktivlərinin istifadəsi barədə razılığa gəlməkdə israr edirlər.