Moskva və Tehran hərtərəfli strateji tərəfdaşlıq müqaviləsi imzalayıb. Başqa bir rejimlə əməkdaşlığa hazırlıq barədə bəyanatlar gərginləşmə dövründə xəyanət kimi qəbul edilə bilər.

Axar.az xəbər verir ki, bunu Rusiya Dövlət Dumasının MDB işləri, ölkələr və həmvətənlərlə əlaqələr komitəsi sədrinin birinci müavini Konstantin Zatulin deyib.

“Hazırda İranda vəziyyət gərgindir. “Bəs əgər...” mövzusunu müzakirə etmək hələ tezdir. Birdən amerikalıların və görünür, İsrailin planlaşdırdığı şey baş versə: İranı daxildən partlatmaq, problemlər və çatışmazlıqlar barədə spekulyasiya edərək çevriliş etmək... Bu məsələnin burada müzakirəsi İranın hazırkı rəhbərliyinin problemlərini daha da artıracaq, çünki bu, Rusiyanın onlardan başqası ilə münasibət qurmaq istəyi kimi təsəvvür ediləcək, bu da eskalasiya dövründə bir növ xəyanət qoxusu verir. Hərtərəfli strateji tərəfdaşlıq müqaviləsi də daxil olmaqla, müqavilə münasibətlərimiz olan İranın hazırkı rəhbərliyini dəstəkləmək və digər ölkələrin İranın daxili işlərinə müdaxilə cəhdlərini mümkün qədər boğmaq bizim üçün məntiqlidir”, - o bildirib.