Rusiya aviaşirkətləri Ukrayna ilə müharibədən əvvəl konservasiya edilmiş köhnə yerli və xarici təyyarələri xidmətə qaytarır.

Axar.az xəbər verir ki, bu barədə “İzvestiya” məlumat yayıb.

Məlumata görə, 2022-ci ildən Rusiya 9 ədəd Tu-204-214, 1 ədəd An-148 və 2 ədəd İl-96 da daxil olmaqla, müxtəlif tipli 12 yerli istehsal təyyarəsinin bərpası prosesinə başlayıb:

“Bu təyyarələrin yaşı təxminən 30 ildir. 12 təyyarədən 10-u (sərnişin və yük) artıq istismara qaytarılıb. Qalan 2 ədəd Tu-204 təyyarəsi də 2027-ci ilə qədər təhvil veriləcək. Bundan əlavə, 2026-2027-ci illərdə “Boinq 747” təyyarlərinin istismara qaytarılması planlaşdırılır. Onların yenidən qurulması dost ölkələrdə, məsələn, lazımi texniki bazanın olduğu İranda baş verə bilər”.