Gürcüstanda parlament seçkiləri 2028-ci ilin oktyabr ayı ərzində konstitusiya ilə müəyyən edilmiş tarixdə keçiriləcək.

Axar.az xəbər verir ki, bu barədə Gürcüstan Baş naziri İrakli Kobaxidze "İmedi" telekanalına verdiyi müsahibədə deyib.

O bildirib ki, növbədənkənar seçkilərin keçirilməsi nəzərdə tutulmur:

"Əgər Gürcüstanda kimsə bu gün növbədənkənar seçkilərdən qorxursa, bu, müxalifətdir. Onlar özləri bu tələbi gündəmdən çıxarıblar. Biz konstitusiya ilə müəyyən edilmiş tarixə riayət etməyi planlaşdırırıq. Bizim öz prinsiplərimiz və qaydalarımız var və inanırıq ki, Gürcüstanda siyasi proseslər konstitusiya ilə müəyyən edilmiş son tarixlərə uyğun olaraq davam etməlidir. Buna görə də hesab edirik ki, parlament seçkiləri mütləq 2028-ci il oktyabrın 28-də keçiriləcək", - Kobaxidze bildirib.