İrana qarşı hərbi əməliyyat ehtimalını istisna etmirik. Bu əməliyyat qabaqlayıcı (preventiv) xarakter daşıya bilər.

Axar.az xəbər verir ki, bu barədə ABŞ Dövlət katibi Marko Rubio Senatda keçirilən dinləmələrdə bildirib.

“Düşünürəm ki, regiona qüvvələr toplamaq ağıllı və uzaqgörən addımdır ki, bu, cavab verməyə və potensial olaraq regiondakı minlərlə amerikalı hərbçiyə və obyektə, eləcə də müttəfiqlərimizə edilə biləcək hücumu qabaqlayıcı şəkildə pozmağa imkan versin. Ümid edirəm ki, buna ehtiyac qalmaz”, - Rubio söyləyib.

Rubio vurğulayıb ki, Vaşinqton Yaxın Şərqdə hərbi mövcudluğunu artırmaq niyyətindədir:

“Siz indi ABŞ-ın regionda qüvvələr yerləşdirmək imkanını görürsünüz. Bu da şəxsi heyətimizə yönələ biləcək İran təhlükəsindən müdafiə olunmağa imkan verir”.