Gürcüstan vətəndaşının siyasi fəaliyyətinin kənardan maliyyələşdirilməsi dövlət suverenliyi prinsipinin pozulmasıdır. Buna görə də hökumətin öz ölkəsinin suverenliyini qorumaq üçün konstitusiya öhdəliyi burada rol oynayır.

Axar.az xəbər verir ki, bu sözləri Gürcüstanın Baş naziri İrakli Kobaxidze bildirib.

Onun sözlərinə görə, əgər tələbə təqaüd alırsa, qanunvericilikdəki dəyişikliklər ona təsir etməyəcək, ona görə də istənilən maliyyələşdirmə alan hər kəsin yuxarıda qeyd olunan dəyişikliklərdən təsirlənəcəyi yalandır:

"Qanunda siyasətin kənardan maliyyələşdirilməməsi qeyd olunub. Əgər konkret bir şəxs siyasi məzmunun yayılması üçün xarici maliyyələşmə alırsa, bu, əlbəttə ki, qanunla tənzimlənmə predmetinə çevrilə bilər".