Amerikalı fizioterapevt Adam Ceyms bildirib ki, Amerika prezidenti mütərəqqi frontotemporal demensiya, ürək çatışmazlığı və ehtimal ki, xroniki böyrək xəstəliyindən əziyyət çəkir.

Axar.az Unikal.az-a istinadən xəbər verir ki, o, Trampın günlərinin sayılı olduğunu düşünür.

Ceyms Trampa video yazılarına əsasən diaqnoz qoyub. Lakin həmkarları amerikalı fizioterapevtin fikirləri ilə razılaşmırlar. Onlar bildiriblər ki, demensiya diaqnozu qoymaq üçün müəyyən bir psixoloji və nevroloji testlər dəsti aparılmalıdır. Bunun üçün iki həkim tələb olunur: nevroloq və psixiatr. Vəziyyətin irəliləyib-irəliləmədiyini müəyyən etmək üçün bu testlər vaxtaşırı, müəyyən bir tezliklə aparılmalıdır.

Bundan başqa, onlar ABŞ prezidentinin mətn mesajları olmadan danışa bildiyini və fikirlərini aydın şəkildə ifadə etdiyini də əsas gətiriblər. Potensial ürək və böyrək problemlərini isə qocalmanın qaçılmaz əlamətləri adlandırıblar.