Pakistanın təhlükəsizlik qüvvələri İslamabadda məscidin yaxınlığında 30-dan çox insanın ölümünə səbəb olan terror aktının təşkilatçısı və digər üç nəfəri yaxalayıb.

Axar.az xəbər verir ki, bu barədə "Nyus" qəzeti məlumat yayıb.

Nəşr qeyd edib ki, terrorçular ölkənin şimal-qərbində yerləşən Xeybər-Paxtunxva əyalətində ələ keçirilib. Məlum olub ki, təşkilatçı İŞİD terror təşkilatı ilə əlaqəlidir və Əfqanıstanda təlim keçib.

Silahlıların saxlanılması zamanı bir təhlükəsizlik işçisi həlak olub, üç nəfər yaralanıb.

Qeyd edək ki, Pakistanın paytaxtı İslamabad şəhərindəki məsciddə güclü partlayış baş verib. Hadisə nəticəsində 31 nəfər həlak olub, 169 nəfər yaralanıb.