Suriya ilə Səudiyyə Ərəbistanı arasında aviasiya, infrastruktur, su, təhsil və rabitə sahələrində əməkdaşlıq müqaviləsi imzalanıb.

Axar.az xəbər verir ki, bu barədə “Haber7” məlumat yayıb.

Bildirilib ki, Suriya Prezident Əhməd əş-Şaranın iştirakı ilə Dəməşqdə keçirilən görüşdə Səudiyyə Ərəbistanının investisiya naziri Xalid əl-Falih, rabitə naziri Abdullah əs-Səvaha və hər iki ölkənin rəsmiləri iştirak edib. Əməkdaşlıq çərçivəsində Səudiyyə Ərəbistanı Suriyaya 2 milyard dollar sərmayə qoyacaq.

Qeyd edək ki, hər iki ölkənin aviasiya əlaqələrini gücləndirmək məqsədilə birgə Suriya-Səudiyyə Ərəbistanı aviaşirkətinin yaradılmasına da qərar verilib.