ABŞ Hərbi Hava Qüvvələrinin potensial münaqişədə Çini məğlub etmək üçün ən azı 500 ədəd altıncı nəsil qırıcı və yeni bombardmançı təyyarə əldə etməsi lazımdır.

Axar.az “Defense Nyus”a (DN) istinadən xəbər verir ki, Mitçell Aerokosmik Tədqiqatlar İnstitutunun analitikləri araşdırmalardan sonra bu qənaətə gəliblər.

"Strateji Hücum: Hərbi Hava Qüvvələrinin düşmən obyektlərini məhvetmə qabiliyyətinin qorunması " adlı hesabatda ekspertlər iddia ediblər ki, Vaşinqton Çinə qarşı mübarizə aparmaq üçün ən azı 300 F-47 qırıcısına və 200-dən çox B-21 Raider bombardmançısına ehtiyac duyur.

Bildirilib ki, ABŞ Hərbi Hava Qüvvələri 180 F-47 və təxminən 100 B-21 almağı planlaşdırır.