Ukrayna Silahlı Qüvvələri Zaporojye və Dnepropetrovsk vilayətlərinin qovşağında əks-hücumlara başlayıb.

Axar.az xəbər verir ki, bu barədə Ukrayna ordusunun Desant Hücum Qüvvələri Komandanlığı məlumat yayıb.

“Desant Hücum Qüvvələri Aleksandrovka sektorunda aktiv əməliyyat keçirir. Məqsəd Rusiyanın Dnepropetrovsk və Zaporojye bölgələrinə doğru irəliləmək planlarını pozmaqdır”, - məlumatda qeyd olunub.

Əməliyyat zamanı 300 kvadrat kilometrdən çox ərazi azad edilib.

Qeyd edək ki, ötən gün Ukrayna Prezidenti Zelenski APF-yə müsahibəsində 300 kv.km ərazisinin azad edildiyini bildirmiş, amma təfərrüata varmamışdı.