01:28

Pakistan qüvvələri ilə toqquşmalarda ölən əfqan hərbçilərinin sayı ən azı 297-yə çatıb, 450-dən çoxu yaralanıb.

Axar.az xəbər verir ki, bu barədə Pakistanın informasiya naziri Attaullah Tarar X-də yazıb.

Onun sözlərinə görə, qonşu ölkədə 29 hədəfə aviazərbə endirilib.

Həmçinin Əfqanıstanın 89 nəzarət məntəqəsi məhv edilib, daha 18-i isə nəzarətə götürülüb.

Bundan əlavə, tanklar, zirehli personal daşıyıcıları və artilleriya da daxil olmaqla 135-dən çox hərbi texnika sıradan çıxarılıb.

***

Pakistan qüvvələri ilə toqquşmalar nəticəsində həlak olan əfqan hərbçilərinin sayı ən azı 331 nəfərə yüksəlib, 500-dən çox adam yaralanıb.

Bu barədə Pakistanın informasiya naziri Attaullah Tarar X sosial şəbəkəsində yazıb.

O qeyd edib ki, Əfqanıstan ərazisindəki 37 hədəfə hava zərbələri endirilib:

“Pakistan silahlı qüvvələri 104 əfqan blokpostunu məhv edib, daha 22-sini öz nəzarətinə götürüb. Bundan əlavə, tanklar, zirehli döyüş maşınları və artilleriya qurğuları daxil olmaqla 163-dən çox hərbi texnika məhv edilib”.

Qeyd edək ki, 26 fevraldan etibarən Pakistan və Əfqanıstan arasında toqquşmalar başlayıb. Pakistan Əfqanıstanla açıq müharibəyə girdiyini elan edib.