21:02

Əfqanıstan hərbi hakimiyyəti bir neçə gün əvvəl Pakistanın hava hücumlarına cavab olaraq bu ölkəyə zərbələr endirməyə başlayıb.

Axar.az xəbər verir ki, bu barədə “Əl-Ərəbiyyə” məlumat yayıb.

Bildirilib ki, Pakistan qüvvələrinin Nəngərhar və Paktiya əyalətlərində həyata keçirdiyi son hava hücumlarından sonra cümə axşamı ağır toqquşmalar başlayıb.

***

Əfqanıstan qüvvələri Pakistanın səkkiz sərhəd məntəqəsini ələ keçirib.

TASS-ın məlumatına görə, Nənqərhar əyalətinin Qoşt rayonunda, eləcə də Kunar əyalətində müəyyən nöqtələr ələ keçirilib.

***

Pakistan ordusu Talibanın istehkamına tank əleyhinə idarə olunan raketlə zərbə endirib.

Taliban sərhəd boyunca on mövqeni ələ keçirdiyini və beş obyekti məhv etdiyini iddia edib.

Pakistanın İnformasiya Nazirliyi Əfqanıstan tərəfində ağır itkilər olması barədə məlumat yayıb.

***

Pakistan silahlı qüvvələri əks-hücumla Əfqanıstan qoşunlarını geri çəkilməyə məcbur edərək üç sərhəd postunu məhv edib.

Axar.az xəbər verir ki, bu barədə TASS məlumat yayıb.

Bildirilib ki, Pakistanın Xayber Paxtunxva əyalətinin Çitral və Bajaur rayonları ilə həmsərhəd ərazilərdə Əfqanıstan mövqeləri məhv edilib.