İran xarici işlər naziri Abbas Arakçı rusiyalı həmkarı Sergey Lavrova zəng edib.

Axar.az xəbər verir ki, A.Araqçı İran rəhbərliyinin ABŞ və İsrailin təcavüzünü dəf etmək üçün atdığı addımlar barədə məlumat verib.

O bildirib ki, bu, İranın nüvə proqramına dair sülh yolu ilə həll üçün danışıqları bir daha pozub.

İranlı nazir BMT Təhlükəsizlik Şurasının təcili iclasını çağırmaq planlarını açıqlayıb.

Lavrov isə ABŞ-la İsrailin İrana qarşı beynəlxalq hüququn prinsip və normalarını pozan, regional və qlobal sabitlik və təhlükəsizlik üçün ağır nəticələri tamamilə nəzərə almayan səbəbsiz silahlı hücumunu qınayıb.

Rusiya XİN başçısı İrana qarşı hücumların dərhal dayandırılmasının və vəziyyəti siyasi və diplomatik həll yoluna qaytarmağın vacibliyini vurğulayıb.

Qeyd edək ki, İsrail müdafiə naziri İsrail Katz ölkəsinin İrana qarşı qabaqlayıcı zərbələr endirməyə başladığını açıqlayıb. ABŞ ordusu İsrailin hücumuna dəstək verir.