İlk 12 saat ərzində İrana 900-ə yaxın raket zərbəsi endirilib və ali dini rəhbər Əli Xamenei başda olmaqla 40-dan çox yüksək vəzifəli məmur öldürülüb.

Axar.az xəbər verir ki, bu sözləri politoloq Kamran Cəfərov İsrail və ABŞ-ın 28 fevraldan İrana hücuma başlaması haqda qeyd edib.

O bildirib ki, müharibənin ilk fazasını - hərbi-siyasi elitanın başsız qoyulması - sona çatmış hesab edə bilərik:

“Zərbələr davam edir, təxminən bu gün, maksimum sabah İran HHM sisteminin sıradan çıxarılması və İran səmasının tamamilə nəzarətə götürülməsi planlaşdırılır, bundan sonra zərbələr kütləviləşəcək və güclənəcək”.

Qeyd edək ki, İran Əli Xameneinin ölümünü rəsmən təsdiqləyib və ölkədə 40 günlük matəm elan edib.