Biz ABŞ-la danışıqlar aparmayacağıq.

Axar.az xəbər verir ki, bunu İran Milli Təhlükəsizlik Şurasının katibi Əli Laricani özünün X səhifəsində yazıb.

“Tramp xəyalpərəst ambisiyalarla regionu qarışıqlığa sürüklədi və indi Amerika itkilərinin artmasından narahat olduğunu deyir.

Yanlış hərəkətləri ilə o özünəməxsus “Birinci Amerika” şüarını “Birinci İsrail”ə çevirdi və İsrailin hakimiyyəti uğrunda Amerika əsgərlərini qurban verdi.

Bu gün İran xalqı özünü müdafiə edir”, - o bildirib.

Qeyd edək ki, İsrail və ABŞ 28 fevraldan İrana qarşı hərbi əməliyyata başlayıb. Endirilən zərbələr nəticəsində İranın ali dini lideri Əli Xamenei başda olmaqla, onlarla yüksək səviyyəli məmur ölüb.