ABŞ Prezidenti Donald Tramp İranla müharibə səbəbindən Terrorla Mübarizə Mərkəzinin rəhbəri Co Kentin istefasına münasibət bildirib.

Axar.az xəbər verir ki, Tramp Co Kentin bundan sonra vəzifədə qala bilməyəcəyini açıqlayıb.

"Onun bəyanatını oxudum. Həmişə onun insan kimi çox yaxşı, təhlükəsizlik məsələsində isə çox zəif olduğunu düşünürdüm. Onun bəyanatını oxuyanda başa düşdüm ki, İranın təhlükə olmadığını dediyi üçün ayrılması yaxşı haldır. İran təhlükə idi. Hər ölkə İranın nə qədər təhlükə olduğunu başa düşürdü", - Tramp bildirib.

Qeyd edək ki, ABŞ Prezident Administrasiyasında Terrorla Mübarizə Mərkəzinin direktoru Co Kent istefa verib.