BMT-nin Baş katibi Antonio Quterreş təcrübəli fransız diplomat Jan Arnonu Yaxın Şərq münaqişəsi üzrə şəxsi nümayəndəsi təyin edib.

Axar.az xəbər verir ki, baş katib bunu jurnalistlərə açıqlamasında deyib.

Quterreş hesab edir ki, regiondakı vəziyyət nəzarətdən çıxıb və dünya daha böyük bir müharibənin astanasındadır.

O, dialoqu təşviq etmək və sülhə nail olmaq üçün dünyanın bir çox ölkəsi ilə sıx əlaqə saxladığını bildirib.

Qeyd edək ki, Jan Arno beynəlxalq diplomatiya sahəsində 30 ildən çox təcrübəyə malikdir. O, sülhməramlılıq və vasitəçilik üzrə ixtisaslaşıb və Afrika, Asiya, Avropa və Latın Amerikasında BMT missiyalarında xidmət edib.

Bundan əvvəl Arno BMT Baş katibinin Əfqanıstan və regional məsələlər üzrə şəxsi elçisi vəzifəsində çalışıb.