ABŞ-ın qurulmasının 250 illiyi münasibətilə Prezident Donald Tramp və maliyyə naziri Skott Bessentin imzaları dolların üzərində əks olunacaq.

Axar.az xəbər verir ki, bu barədə ABŞ maliyyə naziri Skott Bessent açıqlama verib.

"Böyük ölkəmizin və Prezident Donald Trampın tarixi nailiyyətlərini anmaq üçün onun adını daşıyan ABŞ dollarını buraxmaqdan daha təsirli bir yol yoxdur", - Bessent deyib.

O qeyd edib ki, Trampın imzasının ABŞ valyutasına həkk olunması nəinki uyğun, həm də layiqdir:

“Çünki onun ölkənin iqtisadi dirçəlişinin qızıl dövrünün memarı kimi verdiyi tarixi töhfə nəzərə alınmalıdır”.