15:23

İran Dubayda dronlarla mübarizə üzrə ukraynalı ekspertləri hədəfə alıb.

Axar.az xəbər verir ki, bu barədə “Xatəm əl-Ənbiya” Mərkəzi Qərargahı məlumat yayıb.

Bildirilib ki, Dubayda ABŞ ordusuna dəstək məqsədilə yerləşdirilmiş Ukraynaya məxsus antidron sistemlərinin saxlanıldığı anbar İslam İnqilabı Keşikçiləri Korpusunun aerokosmik və dəniz qüvvələrinin birgə əməliyyatı nəticəsində vurularaq məhv edilib.

Həmin ərazidə olan 21 ukraynalı şəxsin taleyi barədə məlumatın olmadığı qeyd edilib.

***

Ukrayna Xarici İşlər Nazirliyi İranın Dubayda antidron sistemlərinin saxlanıldığı anbara zərbə endirməsi ilə bağlı xəbərlərə münasibət bildirib.

Ukrayna Xarici İşlər Nazirliyinin sözçüsü Georgi Tixiy bunu saxta xəbər adlandırıb.

"Bu, yalandır. Bu məlumatı rəsmi olaraq təkzib edirik. İran rejimi tez-tez bu cür dezinformasiya əməliyyatları aparır və ruslardan heç bir fərqləri yoxdur", - o qeyd edib.